یاریگا
لە کاتێکدا ئارسیناڵ ئێستا هەوڵدەدات گواستنەوەی دیکلان رایس لە ریزەکانی وێستهام یونایتد بە زووترین کات یەکلایی بکاتەوە، پێدەچێت ئامانجی داهاتوویان بۆ بەهێزکردنی پێکهاتەکەیان کای هاڤێرتز بێت.
رۆژنامەی دەیلی مەیلی بەریتانی بڵاویکردەوە، کارگێری گەنەرز گفتوگۆکانی لەگەڵ کارگێری بلوز دەست پێکردووە بۆ گواستنەوەی هێرشبەرە ئەڵمانیەکە بەرامبەر 60 ملیۆن پاوەند و دەنگۆیەکیش هەیە ئەو یاریزانە هەفتانە 200 هەزار وەکو موچە پێشکەشی بکرێت.
گرنگ ئەوەیە کە هاڤێرتز پێی باشە لە لەندەن بمێنێتەوە ئەگەر هەردوو یانەکە ڕێکبکەون، بەڵام چێڵسی هەوڵدەدات یاریزانەکەی بە نرخە دڵخوازەکەی بفرۆشێت و لانی کەم 70 ملیۆن پاوەندی دەوێت بۆ ئەو یاریزانە کە هێشتا دوو ساڵی ماوە لە گرێبەستەکەی.
لەلایەکی دیکەوە دەیلی مەیل دەڵێت گەنەرز هیوادارە گواستنەوەکە بە پاکێجێک بە بەهای 60 ملیۆن پاوەند تەواو بکات، لەگەڵ زیادکردن و پاداشتەکان.
