ریال مەدرید چارەنوسی کرووس یەکلایی دەکاتەوە
یاریگا
تۆنی کرووس ناوەڕاستکاری ئەڵمانی یانەی ریال مەدرید ئەم هاوینە گرێبەستەکەی کۆتایی دێت و بڕیاریشە لە ماوەی چەند رۆژی داهاتوو گرێبەستەکەی بۆ ماوەی وەرزێکی دیکە نوێ بکرێتەوە.
فابریزیۆ رۆمانۆ رۆژنامەنوسی ئیتاڵی بڵاویکردەوە، دواجار یانە شاهانەکە بڕیارە درێژکردنەوەی گرێبەستەکەی تۆنی کرووس ڕابگەیەنێت، گرێبەستە نوێیەکەش بۆ ماوەی ساڵێک و تاوەکو مانگی حوزەیرانی 2024 واژۆ دەکرێت.
رۆمانۆ لە بەشێکی دیکەی زانیارییەکانی بڵاویکردووەتەوە دوای راگەیاندنی گرێبەستە نوێیەکان لەنێویاندا بێلینگهام، رۆژانی داهاتوو گریبەستی دوو یاریزانی دیکەی یانەکە واتە ناچۆ و کرووس درێژ دەکرێنەوە.
ریال مەدرید ئەم هاوینە تاوەکو ئێستا سێ یاریزانی بۆ ریزەکانی گواستووەتەوە، فێران گارسیا بەرگریکار لە رایۆ ڤایێکانۆ، جود بێلینگهام ناوەڕاستکار لە بورووسیا دۆرتمۆند، هەروەها براهیم دیازی لە ریزەکانی ئەیسی میلان گەڕاندووەتەوە.
