لوکاس هێرناندێز دەیەوێت ریزەکانی بایرن میونشن جێبهێڵێت
یاریگا –
لوکاس هێرناندێز دەیەوێت ریزەکانی بایرن میونشن جێبهێڵێت و پەیوەندی بە پاریس سانجێرمان بکات.
رۆژنامەنووسی باوەڕپێکراو فلۆریان پلێتێنبێرگ، بڵاویکردووەتەوە گفتوگۆی نێوان لوکاس هێرناندێز، لەگەڵ بەرپرسانی یانەی بایرن میونشن ئەرێنی بووە، یاریزانەکە سوپاس گوزاری خۆی ئاراستەی یانەکەی کردووە و بەڕوونی پێی راگەیاندوون دەیەوێت پەیوەندی بە پاریس سانجێرمان بکات.
بەرپرسانی یانە ئەڵمانییەکەش رێگری لە رۆیشتنی بەرگریکارە فەڕەنسییەکەیان ناکەن، چاوەڕوان دەکان بەم زووانە ئۆفەرێکیان لە پاریسەوە پێ بگات، ئامادەش نین بە کەمتر لە 60 ملیۆن یۆرۆ دەستبەرداری ناوبراو ببن.
The talks between Bayern and #Hernández were positive and proceeded in a good atmosphere. Hernández made it clear, that he is very grateful for the support of the club. Therefore, no future dispute is expected from all parties.
Confirmed again and today, Hernández made it clear… pic.twitter.com/WA8Dl9nUGe
— Florian Plettenberg (@Plettigoal) June 14, 2023
بەپێی قسەکانی هەمان رۆژنامەنووس، لوکاس بە تایبەتی لەگەڵ سەرۆکی یانەکەی گفتوگۆی کردووە و داوای کردووە رێگەی بدەن لە بایرن بڕوات و نایەوێت گرێبەستەکەی نوێ بکاتەوە، کە لە هاوینی ساڵی داهاتوو بەسەردەچێت.
بایرنیش بە داواکای یاریزانە تەمەن 27 ساڵانییەکەی رازیبووە، بە یاریزانەکەی گوتووە با پاریس ئۆفەرەکەی خۆی پێشکەش بکات، بەڵام نابێت کەمتر بێت لە 60 ملیۆن یۆرۆ.
❗️Excl. News #Hernández: He has told the bosses today and personally that he wants to leave FC Bayern NOW as he wants to join @PSG_inside! Hernández won’t extend his contract beyond 2024.
As reported: Bayern will allow him to leave the club now. Bosses told him that #PSG has to… pic.twitter.com/bBOealVEBZ
— Florian Plettenberg (@Plettigoal) June 13, 2023
هێرناندێز لە هاوینی ساڵی 2020 بە بڕی 80 لە ئاتلێتیکۆ مەدریدەوە گواسترایەوە بۆ بایرن، بە درێسی یانە ئەڵمانیەکەیش 107 یاری کردووە، خاوەنی 2 گۆڵ و 8 ئەسیستە.
هەروەها توانیوییەتی لەگەڵ بایرن نازناوێکی چامپیۆنزلیگ و 4 نازناوی بۆندزلیگا و 1 نازناوی سوپەری ئەوروپا، 1 نازناوی جامی جیهانی یانەکان و 1 نازناوی جامی ئەڵمانیا و 2 نازناوی سوپەری ئەڵمانیا بەدەستبهێنێت.
