هەڵبژاردەیەکی کۆنکاکاف بە هۆکارێکی سەیر لە جامی ئاڵتوونی دەرکرا
فیدراسیۆنی تۆپی پێی کۆنکاکاف رایگەیاند هەڵبژاردەی نیکاراگوا لە جامی ئاڵتوونی ئەمریکا دوورخراوەتەوە بە دوو هەفتە بەر لە دەستپێکی پاڵەوانێتییەکە.
نیکاراگوا هاوکات بەشداری لە خولی نەتەوەکان دا کردووە و لەوێش دابەزێنرا بۆ پلە دوو، بەهۆی ئەوەی بەشداری بە یاریزانێکی نایاسایی کردووە.
بەگوێرەی یوس ئێس ئەی تودەی، ریچارد رۆدریگێز ئەو یاریزانەیە و لە بنەڕەتدا ئۆرۆگواییە، لە ٢٠١٨دا چووەتە نیکاراگوا و پاش یەک ساڵ ناسنامەی ئەو وڵاتەی پێدراوە، دواتر بە ساڵێک بووەتە یاریزانی هەڵبژاردەکەیان. بەڵام بەگوێرەی یاساکانی فیفا، پێویستە لانیکەم پێنج ساڵ تێپەڕبووبێت بەسەر وەرگرتنی ناسنامەی ئەو وڵاتە بەر لەوەی بتوانێت یاری بۆ هەڵبژاردەکەیان بکات.
ریچارد هاوکات یاری لە پاڵاوتنەکانی ئەنجامداوە لەگەڵ هەڵبژاردە تازەکەی.
هەڵبژاردەی ترینیداد و تۆباگۆ لەبری نیکاراگوا بەشداری جامی ئاڵتوونی کۆنکاکاف دەکات.
