یاریگا
رۆبێرت لێڤاندۆڤسکی گۆڵکاری پۆڵەندی یانەی بارسێلۆنای ئیسپانیا رەتیدەکاتەوە بیر لە ئۆفەر و بژاردەکانی یانەکانی سعودیە بکاتەوە.
گۆڵکارەکەی بارسێلۆنا لە دیمانەیەکدا لەگەڵ ماڵپەری Interia Sport کە بەشێکی فابرزیۆ رۆمانۆ رۆژنامەنوسی ئیتاڵی بڵاویکردووەتەوە دەڵێت ” بیر لە پێشنیاری یانەکانی سعودیە ناکەمەوە، چونکە هیچ شتێک نییە کە بیری لێبکەمەوە، من پلانی دیکەم هەیە ”.
لێڤاندۆڤسکی لە بەشێکی دیکەی قسەکانیدا سەبارەت بەوەی کە لە سعودیە رودەدات گووتی ” تەنها سەیر دەکەم و دەبینم چی ڕوودەدات لە سعودیە، بەڵام پەیوەندی بە منەوە نییە”.
رۆبێرت هاوینی ساڵی 2022 پەیوەندی بە بارسێلۆنا کردووە و تاوەکو ساڵی 2026 گرێبەستی لەگەڵ بارسێلۆنا هەیە.
