یاریگا –
سیلڤیۆ بێرلسکۆنی، سەرۆک وەزیرانی پێشووتری ئیتاڵیا و خاوەنی پێشووی ئەیسی میلان لە تەمەنی 86 ساڵیدا کۆچی دواییکرد.
بێرلسکۆنی بە بونیادنەری میلانی نوێ دادەندرێت و بە هۆکاری سەرەکی دەستکەوتەکانی 30 ساڵی رابردوو هەژمار دەکرێت.
میلانی سەردەمی بێرلسکۆنی یەکێک بوو لە بەهێزترینەکانی ئەوروپا و چەندین نازناوی چامپیۆنزلیگی بردەوە.
بێرلسکۆنی سێ جار پۆستی سەرۆک وەزیرانی ئیتاڵیای لە ساڵانی نێوان 1994 تاوەکو 2011 بەدەستهێنا، بەڵام لە حەوت ساڵی رابردوودا تووشی نەخۆشی لوکیمیا بوو.
Con #Berlusconi se ne va l'uomo che ha cambiato il calcio. E che ha portato il Milan in cima al mondo https://t.co/JbAU8hDoR8
— La Gazzetta dello Sport (@Gazzetta_it) June 12, 2023
بێرلسکۆنی لە نەخۆشخانەی سان رافایێلێ لە میلان کۆچی دواییکرد، دوای بەسەربردنی شەش هەفتە لە وەرگرتنی چارەسەر.
بێرلسکۆنی لە ساڵی 1936 لە خێزانێکی داهات مام ناوەند لە دایکبوو و لە هەڕەتی گەنجییەوە دەستی بە بزنس کرد و تۆڕی میدیایی میدیاسێتی دامەزراند، کە یەکێکە لە گەورەترین تۆڕە میدیاکانی ئیتاڵیا و ئەوروپا.
