تارەمی بژاردەی شوێنگرەوەی ئیبراهیمۆڤیچە لە میلان
یاریگا
دوای وازهێنانی زلاتان ئیبراهیمۆڤیچ و ئاستە نائومێدکەرەکەی دیڤۆک ئۆریگی و بەرزبوونەوەی تەمەنی ئۆلیڤیێر جیرۆ، گواستنەوەی هێرشبەرێکی سەرەکی بووەتە ئامانجی ئەیسی میلان لەم هاوینە.
رۆژنامەی وەرزشی لاگازێتا دلۆ سپۆرتی ئیتاڵی بڵاویکردەوە، مارکوس تورام هێرشبەری فەرەنسی یانەی بورووسیا مونشن گلادباخی ئەڵمانیا بژاردەی سەرەکی رۆسێنەریە بۆ شوێنگرەوەی زلاتان ئیبراهیمۆڤیچ هێرشبەری پێشووی یانەکەیان.
سەرچاوەکە بڵاویشی کردەوە هەر کاتێک بەرپرسانی میلان سەرکەوتوو نەبوون لە گواستنەوەی هێرشبەرە فەرەنسیەکە، ئەو کات هەوڵ بۆ بژاردەکانی دیکە دەدەن، یەکێک لەوانەش مەهدی تارەمی هێرشبەری هەڵبژاردەی ئێران و یانەی پۆرتۆی پۆرتوگالە.
تارەمی گۆڵکاری 30 ساڵانی پۆرتۆ تا ساڵی 2024 گرێبەستی لەگەڵ ئەم تیپە هەیە و بژاردەی جێگرەوەی میلان بۆ تۆرام. جگە لەو یاریزانە ڕۆسۆنێری چاودێری دۆخی جیانلوکا سکاماکا، هێرشبەری ئیتاڵی وێستهام دەکات.
