مێسی پاڵێوراوی سەرەکیە بۆ بردنەوەی خەڵاتی باڵۆن دۆر
یاریگا
لیۆنێل مێسی ئەستێرە نوێیەکەی یانەی ئینتەر میامی ئەمریکا زۆرترین چانسی بۆ بردنەوەی خەڵاتی باڵۆن دۆری 2023 هەیە و لە پلەی یەکەمی پاڵێوراوان دێت.
زۆرێک لە میدیاکان باس لەوە دەکەن ئێرلینگ هالاند گۆڵکاری لاوی مانچێستەر سیتی شایستەترین کەسە بۆ بردنەوەی خەڵاتی تۆپی ئاڵتونی 2023 بەهۆی رێژەی گۆڵەکانی لەم وەرزە و بەدەستهێنانی سێ ناسناو، بەڵام ماڵپەری GOAL کە ماڵپەرێکی متمانەپێکراوە لە ڕیزبەندییەکەیدا بڵاویکردووەتەوە لیۆنێل مێسی پاڵێوراوی یەکەمە بۆ بەدەستهێنانی خەڵاتەکە.
مێسی ئەم وەرزە 38 گۆڵ و 25 ئاسیستی تۆمار کردووە و لە ریزبەندیەکەی ماڵپەری GOAL لە پلەی یەکەم دێت، بۆیە چانسێکی باشی هەیە بۆ بەدەستهێنانی هەشتەمین خەڵاتی باڵۆن دۆر.
هەرچی ئێرلینگ هالاند هێرشبەرە لاوەکەی مان سیتیەوە، لە ریزبەندیەکە لە پلەی دووەم دێت، ئەو یاریزانە ئەم وەرزە 53 گۆڵ و 9 ئاسیستی هەیە.
