ئینتەرمیلان ریکۆردی زۆرترین داهاتی مێژووی یانەکە دەشکێنێت و هێشتا لە زەرەدایە!

یاریگا-یانەی ئینتەرمیلان پارەیەکی زۆر دەستدەکەوێت بەهۆی گەیشتن بە یاری کۆتایی خولی پاڵەوانەکان بەڵام لە ژمێریاری ساڵانەی یانەکەدا هێشتا لە زەرەردایە.
نێرازوری بڕی ١٠٠ ملیۆن یۆرۆ لە یوێفا وەردەگرێت بۆ گەیشتن بە یاری کۆتایی، هەروەها فرۆشی بلیتیش لەو پاڵەوانێتییە ٤٠ ملیۆنی بۆ پەیدا دەکات، لە پاڵ ٤ ملیۆنی سپۆنسەرکردنی پاراماونت لەسەر درێسەکەیان.
بەگوێرەی گازیتا، لەم وەرزەدا ئینتەر دەگات بە ٤٠٠ ملیۆن یۆرۆ داهات و ئەمەش یەکەمجارە لە مێژوودا رووبدات بەڵام هێشتا لە نێوان ٧٠ – ٨٠ ملیۆن یۆرۆ لە زیاندا دەبن. هەر بۆیە چاوەڕواندەکرێت یانەکە ناچاربێت لە هاوینی ئەمساڵدا هەوڵی کەمکردنەوەی خەرجی و موچە و یاریزان بدات.
هەواڵی خۆش بۆ یانەکەی میلانۆ ئەوەیە، زیانەکانی ئەمساڵیی نیوەی ٢٠٢٢ ـە و پارساڵ مانگی شەش، لە ژمێریاری وەرزدا ئینتەر ١٤٠ ملیۆن یۆرۆ زیانی هەبوو.