ئۆفەرێکی نوێ لە سعودیا پێشکەشی مۆدریچ کراوە
یاریگا
بەڕێوەبەری کارەکانی لۆکا مۆدریچ لە تۆڕی کۆمەڵایەتی ئینستاگرام فۆڵۆوی چەند یانەیەکی سعودی کردووە و ئەم بابەتەش گومانی زۆری دروستکردووە.
ڕامۆن ئەلڤارێز لە یارۆژنامەی وەرزشی مارکا بڵاویکردەوە، دەمێکە دەگوترێت بڕیارەکەی لۆکا مۆدریچ درێژکردنەوەی گرێبەستەکەی لەگەڵ یانەی ڕیال مەدرید و مانەوەیەتی لە ئیسپانیا، بەڵام ئەمڕۆ ئەم یاریزانە ئۆفەرێکی نوێی لە سعودیەوە بۆ هاتووە و بەجدی بیری لێدەکاتەوە.
ئەو ئۆفەرە نوێیەی لە سعودیەوە بۆ ناوەڕاستکارە کڕواتیەکەی مێرنگی هاتووە، گرێبەستێکی دوو ساڵە و مووچەکەی 80 ملیۆن یۆرۆیە لەگەڵ 20 ملیۆن یۆرۆ وەک پاداشت.
رۆژنامەنوسە ئیسپانیەکە بڵاویشی کردووەتەوە ئەگەری ئەوە هەیە لۆکا مۆدریچ هاوشێوەی کەریم بنزیما لەناکاو بڕیارەکەی بگۆڕێت و دوای جێهێشتنی ڕیال مەدرید بچێتە سعودیە.
هەر ئەمڕۆ بەرێوەبەری کارەکانی مۆدریچ، ئینستاگرام بەشێک لە یانەکانی ئەو وڵاتەی فۆلۆو کردووە و ئەمەش گومانەکەی زیاتر کردووە.
