لیۆنیل مێسی هەوڵیداوە لە رێگەی هلال و ئینتەر میامی بگەڕێتەوە بارسا
یاریگا –
لیۆنیل مێسی هەوڵیداوە لە رێگەی هلال و ئینتەر میامی بگەڕێتەوە بارسێلۆنا و داوای لەو دوو یانەیە کردووە کار ئاسانی بۆ بکەن تا بگەڕێتەوە کەتەلۆنیا.
رۆژنامەی سپۆرت بڵاویکردووەتەوە، خۆرخێ مێسی باوکی مێسی گفتوگۆی لەگەڵ هەردوو یانەی هیلال و ئینتەر میامی کردووە، تا هاوکاربن لە یاریکردنی کوڕەکەی بۆ یانەی بارسێلۆنا بۆ ماوەی یەک وەرز و پاشان ماڵئاوایی لە هاندەرانی یانەکە بکات.
بە گوێرەی سەرچاوە ئیسپانییەکە، بیرۆکەی مێسی ئەوەیە پەیوەندی بە یەکێک لە یانە سعودی و ئەمریکییەکە بکات، پاشان راستەوخۆ بەشێوەی خواستن پەیوەندی بە بارسێلۆناوە بکات، تا بتوانێت بۆ ماوەی وەرزێک درێسی یانە کۆنەکەی بپۆشێت، دواتریش بەشێوەیەکی جوان ماڵئاوایی لە هاندەران و یانەکە بکات.
💥 Leo Messi lo ha intentado todo para poder regresar al Barça
📌 Al Hilal e Inter de Miami le quieren sí o sí de forma inmediatahttps://t.co/tsPXO67IVE
— Diario SPORT (@sport) June 7, 2023
لە وەڵامدا هەردوو یانە ئەو بیرۆکەیان رەتکردووەتەوە، بە باوکی لیۆ یان راگەیاندووە، کە وەڵامی یەکلاکەرەوەمان دەوێت، وەڵامەکە دەبێت دەستبەجێبێت و یاریزانەکە راستەوخۆ پەیوەندیان پێوە بکات.
لیۆنێل مێسی هەموو هەوڵێکی خۆی داوە بۆ گەڕانەوە بۆ بارسا، دەستبەرداری ملیاران دۆلاری سعودیە و ئەمریکا بووە لە پێناو بارسا، بەڵام شکستهێنانی بیرۆکەکە دۆخەکەی ئاڵۆز کردووە و ئێستا دەبێت چاوەڕوانی بریاتی کۆتایی لە ئەفسانەکەی تانگۆ بکرێت.
