ئاسیا
مووچەی بێنزێما زۆر لەوە کەمترە کە باس دەکرێت
یاریگا
ڕاپۆرتە ڕۆژنامەوانییەکانی سعودیە ئەمڕۆ چوارشەممە وردەکاری گرێبەستی گواستنەوەی کەریم بێنزێما بۆ ریزەکانی ئیتیحاد ئاشکرا کرد، هەموو ئەو دەنگۆیانەش رەتدکرێنەوە کە یاریزانە ساڵانە 200 ملیۆن یۆرۆی وەکو مووچە پێدەدرێت.
ڕۆژنامەی الریاضە بە گێڕانەوە لە سەرچاوە تایبەتەکان پشتڕاستی کردەوە، هێرشبەری فەرەنسیەکە ساڵانە 55 ملیۆن دۆلار وەکو مووچە وەردەگرێت کە یەکسانە بە 51.4 ملیۆن یۆرۆ، نەک 200 ملیۆن بۆ هەر وەرزێک.
سەرچاوەکە بڵاویشی کردەوە سەرجەم تێچووەکەی گواستنەوەی کەریم بێنزێما بۆ ریزەکانی یانەی ئیتیحاد 165 ملیۆن یۆرۆ بۆ ماوەی سێ وەرز.
پێشتر دەنگۆیەک بڵاوبووەتەوە کە تێچووی گواستنەوەی بێنزێما بۆ ریزەکانی یانە سعوودیەکە بۆ هەر وەرزێک 200 ملیۆن یۆرۆیە، بەڵام سەرچاوە نێوخۆییەکانی ئەم وڵاتە هەموو ئەو دەنگۆیانە رەتدەکەنەوە.
