لیکیپ: گواردیۆلا پەیوەندی بە ئەستێرەیەکی پاریس سانجێرمانەوە دەکات
یاریگا –
پەیوەندییەکانی نێوان نێیمار دا سلیڤا و پاریس سانجێرمان تادێت، کێشە و گرژی زیاتری تێدەکەوێت.
هەرچەندە گرێبەستی نێیمار تاوەکو ساڵی 2027 لەگەڵ یانە پاریسییەکە بەردەوام دەبێت، بەڵام بە هۆی پەیوەندییە ناسەقامگیرەکەی لەگەڵ هاندەران و دەستەی کارگێڕی، رەنگە لە هاوینی داهاتوودا، ریزەکانی پاریس جێبهێڵێت.
PSG's Neymar (31) has received a phone call from Manchester City manager Pep Guardiola to enquire about his intentions this summer. (L'Éq)https://t.co/AolqD0uCoB
— Get French Football News (@GFFN) May 29, 2023
ناوی نێیمار بە یانەکانی چێڵسی و مانچێستەر یونایتد بەستراوەتەوە، ئەمڕۆ رۆژنامەی لیکیپ بڵاویکردووەتەوە، هەفتەی پێشوو پێپ گواردیۆلا، راهێنەری مانچێستەر سیتی پەیوەندییەکی تەلەفۆنی لەگەڵ نێیمار کردووە، چەند وردەکارییەکی پەیوەندیەکەی ئاشکرا کردووە.
راهێنەرە ئیسپانییەکە یەکێکە لەوانەی زۆر سەرسامی تواناکانی نێیمارن، رۆژنامە فەرەنسییەکە روونیکردووەتەوە، پێپ لە پەیوەندییەکەدا باسی نیازی داهاتووی نێیماری کردووە، هەرچەندە لیکیپ ئەگەرەکانی گواستنەوەی نێیمار بۆ پرێمەرلیگ زۆر بە کەم دادەنێت.
پێشبینی دەکرێت، نێیمار لە ناوەڕاستی هاویندا، بگەڕێتەوە مەشقەکانی پاریس، چونکە تاوەکو ئێستا خەریکی وەرگرتنی چارەسەرە بۆ پێکانەکەی.
لەم وەرزەی خولی فەرەنسیدا، 13 گۆڵی لە کۆی 20 یاریدا تۆمار کرد، بەڵام بە هۆی پێکان لە ناوەڕاستی وەرز، ناچاربوو لە یاریگاکان دووربکەوێتەوە.
