بۆرووسیا دۆرتمۆند راستی رێككەوتن لەگەڵ ریال مەدرید ئاشكرا دەكات
یاریگا –
سێباستیان كیل، بەڕێوەبەری وەرزشی یانەی بۆرووسیا دۆرتمۆندی ئەڵمانی راستی رێككەوتن لەگەڵ ریال مەدرید ئاشكرا دەكات سەبارەت بە گواستنەوەی جود بیلینگهام.
ناوی بیلینگهام بەسترابوویەوە بەریال مەدریدەوە بۆ ئەوەی لە گواستنەوەكانی هاوینی داهاتوودا پەیوەندی بەو یانەیەوە بكات.
پێشتر چەند راپۆرتێكی رۆژنامەوانی ئاشكرایانكرد ریال مەدرید لەگەڵ ئەو یاریزانە گەیشتووەتە رێككەوتن بۆ ئەوەی لە هاوینی داهاتوودا پەیوەندی بەو یانەیەوە بكات.
سیباستیان كیل لە لێدوانێكدا كە فابریزیۆ رۆمانۆ لە هەژماری تایبەتی خۆی لە تۆڕی كۆمەڵایەتی تویتەر دایناوە، ووتی: سەبارەت بە ئۆفەرەكان، هیچ شتێك لەسەر مێزەكە نییە، دەنگۆ هەیە بەڵام هیچ شتێكی راستی نییە.
رۆژنامەنووسەكە ئیتاڵییەكە نووسیویەتی: ریال مەدرید پلانی هەیە لە دوای ئەم هەفتەیە ئۆفەرێكی فەرمی پێشكەش بكات بۆ گواستنەوەی بیلینگهام، چونكە لە ئێستادا رێز لە ركابەرییەكانی دۆرتمۆند دەگرێت بۆ نازناوی خولی ئەڵمانی.
Borussia director Kehl on Bellingham: “In terms of bids, there’s still nothing on the table. There are rumours, but there’s nothing on the table”, says via @TheAthleticFC. 🚨🟡 #BVB
Real Madrid always planned to submit official bid after this week to respect BVB in title race. pic.twitter.com/le4TgOU3GO
— Fabrizio Romano (@FabrizioRomano) May 24, 2023
پێشتر سەرچاوە رۆژنامەوانیەكان ئاشكرایانكرد ریال مەدرید ئامادەیە 100 ملیۆن یۆرۆ بۆ گواستنەوەی بیلینگهام بدات، جگە لە زیادكراوەكان.
رۆژی شەممەی داهاتوو بۆرووسیا دۆرتمۆند كۆتا هەفتەی خۆی لەم وەرزەی بۆندسلیگا ئەنجام دەدات لە ئەگەری بردنەوەی ئەو یاریەدا راستەوخۆ دەبێتە پاڵەوانی ئەم وەرزەی خولی ئەڵمانیا.
