فەرمی: نیوكاسڵ خۆی گەیاندە چامپیۆنزلیگی وەرزی داهاتوو
یاریگا –
بە شێوەیەكی فەرمی یانەی نیوكاسڵ یۆنایتدی ئینگلیزی توانی خۆی بگەینێتە خولی یانە پاڵەوانەكانی ئەوروپای وەرزی داهاتوو.
شەوی رابردوو نیوكاسڵ لە یاریگای خۆیدا میوانداری لێستەر سیتی كرد و یارییەكەش بە بێ گۆڵ بۆ هەردوولا یەكسان بوون ، لە میانی یارییەكانی هەفتەی 37ی خولی ئینگلتەرا.
بە بەدەستهێنانی ئەو خاڵە نیوكاسڵ كۆی خاڵەكانی بۆ 70 خاڵ بەرزكردەوە و لە ریزبەندی سێیەمی خولەكە دێت و بەوەش بە شێوەیەكی فەرمی بلیتێكی خولی یانە پاڵەوانەكانی ئەوروپای وەرزی داهاتووی بەدەستهێنا.
یەكەمجارە لە دوای 20 ساڵ ماگپایس توانی خۆی بگەیەنێتە چامپیۆنزلیگ، ئەمەش دوای ئەوە هات كە سندوقی وەبەرهێنانی سعودیە یانەكەی كڕیەوە و چەندین گرێبەستی سەركەووتوویان ئەنجامدا.
WE ARE NEWCASTLE UNITED.
WE ARE CHAMPIONS LEAGUE! 🙌🙌 pic.twitter.com/NaMKa6CJGJ
— Newcastle United FC (@NUFC) May 22, 2023
لیڤەرپوول لە پلەی پێنجەمی ریزبەندی دێت بە كۆكردنەوەی 66 خال و تەنیا یەك یاری ماوە ئەنجامی بدات، چاوەڕوانی دۆڕاندنی مانچێستەر یونایتدە لەو دوو یاریەی كە ماویەتی و بردنەوەی خۆی لە یاری داهاتوودا بۆ گەیشتنیان بە خولی یانە پاڵەوانەكانی ئەوروپای وەرزی داهاتوو.
