یاریگا
کارلۆ ئانچێلۆتی، راهێنەری یانەی ریال مەدریدی ئیسپانیا لیستی یاریزانە بانگهێشتکراوەکانی یانەکەی بۆ یاریی بەرامبەر ڤالێنسیا بڵاوکردەوە.
هەژماری فەرمی یانەی ریال مەدریدی ئیسپانیا لیستی ناوی ئەو یاریزانانەی بڵاوکردەوە، لەلایەن راهێنەری یانەکەی بۆ یاریی هەفتەی 35 لالیگا بانگهێشتکراون، لە لیستەکەدا ناوی ئێدین هازارد هێرشبەری بەلجیکی بوونی نیە.
سەرچاوەکانی ئیسپانیا بڵاویان کردووەتەوە، هێرشبەرە بەلجیکیەکە لە پاژنەی پێی تووشی پێکان بووە، بۆیە بۆ یاریی داهاتوو شاهانەکان بانگهێشت نەکراوە. ئەمە لە کاتێکدایە ئەو یاریزانە ئەم وەرزە زۆربەی هەرە زۆری یارییەکانی یانەکەی بەهۆی پێکان لەدەستداوە.
