لە قاوەی بەیانیانی یاریگا… بارسا بەرگریکارێکی دەوێت و گەورەکانی ئەوروپا داوای دێکلان رایس دەکەن

بارسێلۆنا هەوڵێکی دیکە لەگەڵ مارتن زوبیمێندی، بەرگریکاری ریال سۆسیداد دەدات، بەڵام ئارسیناڵیش لەسەر هێڵە و نرخەکەی لە سەرووی 50 ملیۆن پاوەندە – ئێکسپرێس

سادیۆ مانێ، هێرشبەری بایرن میونشن رای گۆڕاوە و رەنگە لە ئالیانز ئارێنا بمێنێتەوە – فابریزیۆ رۆمانۆ

ئارسیناڵ 92 ملیۆن پاوەندی بۆ گواستنەوەی دێکلان رایس، یاریزانی هێڵی ناوەڕاستی وێستهام تەرخان کردووە – تێلێگراف

بایرن میونشن لە نزیکەوە چاودێری دۆخی دێکلان رایس دەکات. تۆماس توخێل دەیەوێت هێڵی ناوەڕاستی نوێ بکاتەوە – میرەر

میکێل ئارتێتا، راهێنەری ئارسیناڵ دەیەوێت پێکهاتەیەکی تەواو بۆ وەرزی داهاتوو ئامادە بکات، جواو کانسێلۆ لە سەرووی داواکارییەکانی میکێل دێت – تۆک سپۆرت

پاریس سانجێرمان دەستبەرداری بیرۆکەی بێرناردۆ سیلڤا نەبووە و ئامادەیە بڕی 70 ملیۆن پاوەند خەرج بکات – تێلێگراف

یۆرگن کڵۆپ ئۆفەری بوون بە یاریدەدەری راهێنەری پێشکەش بە جەیمس میڵنەر کردووە – میرەر

مانچێستەر یونایتد گەیشتووەتە رێککەوتنی سەرەتایی لەگەڵ کیم مین-جای، بەرگریکاری ناپۆلی – مێترۆ

مارتن ئۆدیگارد، یاریسازی ئارسیناڵ نزیکە لە نوێکردنەوەی گرێبەستەکەی – 90min

چاڤی ئەڵۆنسۆ، راهێنەری بایەر لیڤەرکوزن بۆ وەرزی داهاتووش لە یانەکەی دەمێنێتەوە و هیواکانی تۆتنهام بۆ گواستنەوەی بە بادا چوو – سکای سپۆرتس

ویلفرێد زاها، هێرشبەری کریستال پاڵاس سەرەڕای گرنگی پێدانی لەلایەن کۆمەڵێک یانەی پرێمەرلیگ و سێریا ئەی، دەیەوێت لە یانەکەی بمێنێتەوە – تۆک سپۆرت