مووچەیەکی خەیاڵی پێشکەشی زاها کراوە
یاریگا
راپۆرتە رۆژنامەنوسیەکان باس لەوە دەکەن یانەی کریستاڵ پاڵاسی ئینگڵتەرا بە پشتبەستن بە سیستەمی دارایی یانەکە مووچەیەکی خەیاڵی پێشکەش بە ویلفرێد زاها هێرشبەری یانەکەیان کردووە.
ماڵپەری Talk Sport بڵاویکردەوە کارگێری یانە ئینگلیزیەکە ئامادەیە گرێبەستی هیرشبەری فەرەنسی یانەکەی بۆ ماوەی چوار وەرزی دیکە نوێ بکاتەوە و هەفتانەش 200 هەزار پاوەند مووچەی پێشکەش بکات.
سەرچاوەکە بڵاویشی کردەوە زاها بەهۆی ئاستە بەرزەکەی بووەتە ئامانجی یانەکانی ئارسێناڵ و چێڵسی و پاریس سانجێرمان و بایرن میونشن و رۆما.
زاها ئەم وەرزە لەگەڵ یانەکەی ژمارەیەکی پێوانەیی تۆمار کرد و بووە یەکەم یاریزانە لە مێژووی ئەو یانەیە بەشداری زۆرترین یاریی بکات لە پرێمەرلیگ کە 458 یارییە.
زاها لە کۆی ئەو 458 یارییەی بە درێسی یانەکەی کردووە خاوەنی 90 گۆڵ و 58 ئاسیستە و کۆتایی ئەم وەرزەش گرێبەستەکەی لەگەڵ یانەکەی کۆتایی دێت و ئەگەر گرێبەستەکەی نوێ نەکاتەوە، دەتوانێت بێ بەرامبەر یانەکەی جێبێڵێت.
