یاریگا –
راپۆرتە رۆژنامەوانیەكان ئاشكرایانكرد، نەیمار دا سێلڤای ئەستێرەی هەڵبژاردەی بەڕازیل و یانەی پاریس سان جێرمانی فەڕەنسی بەشداری لە ئاهەنگەكانی یانەی بارسێلۆنای ئیسپانی كردووە بە بۆنەی بەدەستهێنانی خولی ئیسپانیا.
بارسێلۆنا بە شێوەیەكی فەرمی بوو بە پاڵەوانی خولی ئیسپانیا بۆ وەرزی 2022/23 و توانی بۆ جاری بیست و حەوتەم نازناوەكە بباتەوە، دوای بردنەوەیان لە ئیسپانیۆل بە چوار گۆڵ بەرامبەر دوو گۆڵ پێش چوار هەفتە لە كۆتاییهاتنی خولەكە.
لە هاوینی ساڵی 2017 نەیمار بارسێلۆنای بەرەو پاریس سان جێرمان جێهێشت بە بڕی 222 ملیۆن یۆرۆ كە بە گرانترین ئۆفەر لە مێژوودا دادەنرێت.
بەپێی زانیاریەكانی رۆژنامەنووس جێرارد رۆمێرۆ لە رۆژنامەی مۆندۆ دیپۆرتیڤۆ نەیمار یەكێك بووە لەو میوانە چاوەڕواننەكراوانەی ئاهەنگەكەی بارسێلۆنا كە بۆ بەدەستهێنانی بردنەوەی لالیگا ساز كرا بوو.
هەمان سەرچاوە ئاماژەی بەوەشكردووە، نەیمار هێشتا پەیوەندییەكی باشی لەگەڵ یاریزانەكانی بارسێلۆنادا هەیە، كە لەو كاتەی یاری بۆ دەكردن هاوڕێی بوون وەك تێر شتیگن، جۆردی ئەلبا ، سێرجیۆ بۆسكێتس و سێرجی رۆبێرتۆ.
🛩️ Neymar llegó ayer por la tarde a Barcelona y celebró el título de liga con sus excompañeros en la discoteca Carpe Diem.
🇧🇷 El brasileño tiene unos días de fiesta tras la contundente victoria del sábado ante el Ajaccio por 5-0.
ℹ️ Lo contamos en @JijantesFC. pic.twitter.com/YhJD57Jw1f
— Carlos Monfort (@monfortcarlos) May 15, 2023
بارسێلۆنا 27 جار نازناوی خولی ئیسپانیای بەدەستهێناوە دوای یەكلاكردنەوەی نازناوی لالیگای ئەم وەرزە.
