سیلڤا دەبێتە شوێنگرەوەی مێسی
یاریگا
بەرپرسانی یانەی پاریس سانجێرمانی فەرەنسا دەیانەوێت بێرناردۆ سیلڤا وەکو شوێنگرەوەی لیۆنێل مێسی بۆ ریزەکانیان بگوازنەوە.
ڕۆژنامەی لوپاریزین بڵاویکردەوە، کارگێری شازادەکان گرنگی بە ناوەڕاستکارە پۆرتوگالیەکەی ستیزن دەدات، وەکو شوێنگرەوەی یاریزانە ئەرجەنتینیەکەیان. پەیوەندی لیۆ لەگەڵ پاریس سانجێرمان و هاندەرانی ئەم تیپە بەتایبەتی لەم چەند ڕۆژەی دواییدا بەتەواوی تێکچووە، پێشبینیش دەکرێت لەکۆتایی ئەم وەرزەدا ئەو یاریزانە ریزەکانی یانەکەی جێبهێڵێت.
سەرچاوەکە ئەوەشی باسکردووە بەرپرسانی پاریس هیچ پلانێکیان بۆ مێسی نیە لە وەرزی داهاتوو گەیشتونەتە ئەو ئەنجامەی لیۆ ریزەکانیان جێدێڵێت، بۆیە سیلڤا بە باشترین شوێنگرەوەی دەزانن.
لوپاریزین بڵاویشی کردووەتەوە دانوستانە سەرەتاییەکانی نێوان ئەستێرە پورتوگالییەکە و یانە فەرەنسییەکە لە ماوەی یەک مانگی ڕابردوودا بەردەوامە. سیلڤا دوای شەش ساڵ لە مان سیتی پێشوازی لە چالێنجێکی نوێ دەکات.
