ئیسپانیاچامپیۆنزلیگگرنگترین
لیستی یاریزانە بانگهێشتکراوەکانی ریال مەدرید بڵاوکرایەوە
یاریگا
کارلۆ ئانچێلۆتی، راهێنەری ئیتاڵی یانەی ریال مەدریدی ئیسپانیا لیستی ناوی یاریزانە بانگهێشتکراوەکانی یانەکەی بۆ یارییەکەی بەرامبەر مانچێستەر سیتی بڵاوکردەوە.
هەژمارەی فەرمی یانە شاهانەکان لیستی یاریزانە بانگهێشتکراوەکانی یانەکەیانی بۆ یاریی گەڕانەوەی قۆناغی پێشکۆتایی چامپیۆنزلیگ بەرامبەر یانە ئینگلیزیەکە بڵاوکردەوە و ئێدوارد کاماڤینگای بەرگریکاری فەرەنسیش ناوی لە لیستەکەیە.
هاندەرانی مێرنگی نیگەران بوون لە چارەنوسی بەرگریکارە لاوەکە، بەهۆی ئەوەی لە دوایین یاریی یانەکەیان بەرامبەر خیتافی لەلالیگا تووشی پێکان بوو و نەیتوانی یارییەکە تەواو بکات.
سەرچاوەکانی نزیک لە یانەی ریال مەدریدیش بڵاویان کردووەتەوە، کاماڤینگا هیچ کێشەیەکی نیە و بۆ یارییەکەی بەرامبەر مان سیتی لە پێکهاتەی سەرەکی دەبێت.
