لۆرێس دەچێتە سعودیە

یاریگا –

هوگۆ لۆرێسی فەڕەنسی پەیوەندی بە خولی سعودیەوە دەکات.

رۆژنامەی تایمز بڵاویکردووەتەوە، هوگۆ لۆریس گرێبەستێکی لە سعودیەوە پێشکەش کراوە کە مووچەکەی سێ هێندەی مووچەکەی ئێستای زیاترە.

گۆڵپارێزەکەی تۆتنهام گرێبەستەکەی لەگەل ئەو یانەیە ساڵێکی ماوە کۆتایی بێت، بە ئەگەرێکی زۆر لەم هاوینە یانە ئینگلیزییەکە جێدەهێڵیت.

بەپێی تایمز یاریزانە تەمەن 36 ساڵەکە چەندین ئۆفەری دیکەشی پێشکەش کراوە، بەڵام تا ئێستا بڕیاری خۆی لەسەریان نەداوە، چونکە چاوەڕێی قسەکردنە لەگەڵ دانیال لیڤی سەرۆکی یانەکە سەبارەت بە داهاتووی خۆی لەگەڵیان.

لۆرێس لەم وەرزە بە دۆخێکی خراپدا تێدەپەڕێت لەگەڵ سپێرز، بە جۆرێک بە ئەنجامدانی 31 لە سەرجەم پاڵەوانێتییەکان 45 گۆڵی لێکراوە و خاوەنی تەنیا 9 کلین شیتە.