لیڤەرپوول لە نزیکەوە چاودێری ئەستێرەیەکی ناپۆلی دەکات
یاریگا –
لیڤەرپوول بە جیددی هاتووەتە سەر هێڵ بۆ گواستنەوەی ئەستێرەی هێڵی ناوەڕاستی ناپۆلی.
گۆڤاری لیڤەرپوول ئیکۆ بڵاویکردووەتەوە، لیڤەرپوول دەیەوێت هەرچی زووە گفتوگۆکان لەگەڵ پیۆتر زێلینسکی، یاریزانی هێڵی ناوەڕاستی ناپۆلی دەستپێبکات.
🌖❗️@Meczykipl: Liverpool are interested once again in Napoli midfielder Piotr Zielinski. The Reds are VERY serious and his contract ends in 2024 – with extension talks very difficult at the moment and a summer departure likely 🇵🇱⏳ pic.twitter.com/295cTsYAR4
— LFC Transfer Room (@LFCTransferRoom) May 6, 2023
یاریزانی تەمەن 28 ساڵان، رۆڵێکی باڵای لە کاروانی ئەم وەرزەی ناپۆلی گێڕا و یەکێک بوو لە هۆکارەکانی بردنەوەی نازناوی سێریا ئەی.
لە گۆڤارەکە هاتووە، لیڤەرپوول لە نزیکەوە چاودێری دۆخی زێلینکسی دەکات و دەزانێت، ئەرکێکی قورسی لە بەردەمە بۆ ئەوەی ناپۆلی بە دەستبەرداربوون لە پیۆتر رازی بکات، بەڵام دەستبەرداری بیرۆکەکە نەبووە و دەیەوێت پەلکێشی ئانفیڵد رۆدی بکات.
زێلینسکی 325 یاری لەگەڵ ناپۆلی کردووە و 47 گۆڵی کردووە. یەکێکە لەو یاریزانانەی کە یۆرگن کڵۆپ پێی سەرسامە.
گرێبەستی ئێستای زێلینسکی لە هاوینی ساڵی 2024 بەسەر دەچێت و تاوەکو ئێستا گفتوگۆ لەبارەی نوێکردنەوەی گرێبەستەکەی نەکراوە.
