ئۆبامیانگ: دەمەوێت بگەڕێمەوە بارسێلۆنا
یاریگا –
پێر ئێمیریك ئۆبامیانگ، هێرشبەری گابۆنی یانەی چێڵسی ئینگلیزی خواستی خۆی بۆ گەڕانەوەی بۆ بارسێلۆنا ئاشكرا كرد.
لە گواستنەوەكانی زستانەی ساڵی 2022 دا ئۆبامیانگ پەیوەندی بە بارسێلۆناوە كرد و لە كۆتایی وەرز ریزەكانی یانەكەی جێهێشت.
لە بازاڕی گواستنەوەی هاوینی رابردوودا هێرشبەرە گابۆنیەكە بە بڕی 12 ملیۆن یۆرۆ پەیوەندی بە چێڵسیەوە كرد.
لە لێدوانێكیدا كە رۆژنامەی مۆندۆ دیپۆرتیڤۆ بڵاویكردووەتەوە ئۆبامیانگ ووتی: ”دەمەوێت بگەڕێمەوە بارسێلۆنا، بەڵام با بزانین چی روودەدات”.
هەمان سەرچاوە ئەوە ئاشكرا كردووە، هێرشبەرە گابۆنیەكە درك بەوە دەكات كە یانە كەتەلۆنییەكە باری دارایی باش نیە و دەزانێت كە بژاردەكانی گەڕانەوەی بریتین لە رۆیشتنی بە خۆڕایی لە چێڵسی.
هەروەها تۆڕی سكای سپۆرت ئاشكرایكرد كە ئۆبامیانگ بژاردەی یەكەمی بارسێلۆنایە نۆ پتەوكردنی هێڵی هێرشبردنی یانەكەی بۆ وەرزی داهاتوو.
