بارسێلۆنا نرخی فرانك كیسێ دیاریدەكات

یاریگا –

یانەی بارسێلۆنای ئیسپانی نرخی فرانك كیسێ یاریزانی هێڵی ناوەندنی كۆتدیڤواری دیاریكرد.

لە گواستنەوەكانی هاوینی رابردوودا كیسێ لە ریزەكانی ئەی سی میلانەوە بە گرێبەستێكی ئازاد پەیوەندی بە بارسێلۆناوە كرد و گرێبەستەكەی لەگەڵ ئەو یانەیە تا ساڵی 2026ە.

بارسێلۆنا دەیەوێت لە رێگەی فرۆشتنی یاریزانەكانیەوە بڕی 100 ملیۆن یۆرۆی دەستبكەوێت بۆ ئەوەی لە سزای یاری خاوێن رزگاری ببێت.

بەپێی زانیاریەكانی رۆژنامەی سپۆرت كیسێ یەكێكە لەو یاریزانانەی كە ئاگادار كراوەتەوە دەبێت لە گواستنەوەكانی هاویندا یانەكە جێبهێڵێت.

سەرچاوەكە ئەوەشی ئاشكرا كرد، بارسێلۆنا بۆ فرۆشتنی فرانك كیسێ داوای 25 ملیۆن یۆرۆ دەكات.

سپۆرت ئاشكرایكرد، یانەی تۆتنهام هۆتسپێررزی ئینگلیزی ئامادەیە یاریزانەكە بگوازێتەوە ریزەكانی دوای ئەوەی لە گواستنەوەكانی زستانەشدا هەوڵیدا یاریزانەكە بگوازێتەوە یانەكەی.

لەم وەرزەدا لە سەرجەم پاڵەوانیەتیەكان كیسێ بەشداری لە 39 یاریدا كردووە، سێ گۆڵی كردووە و سێ گۆڵیشی درووست كردووە.