“ئۆسیمین بۆ فرۆشتن نییە”

یاریگا –

ناپۆلی ئیتاڵی فرۆشتنی هێرشبەری تیپەکەی ڤیکتۆر ئۆسیمین رەت دەکاتەوە.

ئاورێلیۆ دی لاورێنتیس، سەرۆکی یانەکە لە نوێترین لێدوانی ڕایگەیاند، کە لەم هاوینە بە هیچ شێوەیەک دەستبەرداری ئۆسیمین نابن و ئەو یاریزانە بۆ فرۆشتن نییە،

ئەم لێدوانەی لاورێنتیس پاش ئەوە دێت، کە ناوبراو لە ماوەی رابردوودا نرخی یاریزانەکەی بە بڕی 150 ملیۆن یۆرۆ دیاری کردبوو، بەڵام ئێستا ڕای خۆی گۆڕیووە و ئارازەوی فرۆشتنی ناکات.

هێرشبەرە 24 ساڵانییەکە بەهۆی ئاستە بەرزەکەی لەم وەرزەدا سەرنجی زۆرێک لە یانە گەورەکانی ئەوروپای ڕاکێشاوە، لەوانەش مانچێستەر یونایتد، چێڵسی، بایرن میونشن و پاریس سانجێرمان.

بەڵام ئەم لێدوانەی سەرۆکەکەی ناپۆلی سەرجەم یانەکان لە گواستنەوەی هێرشبەرە نێجیرییەکە بێهیوا دەکات.

ئۆسیمین بە کردنی 22 گۆڵ پێشەنگی گۆڵکارانی سێریا ئەی گرتووە، لە سەرجەم پاڵەوانێتییەکانیش لەم وەرزە لە 34 یاریدا 27 گۆڵی بۆ تیپەکەی کردووە.