وێستهام نرخی دێکلان رایسی دیاریکرد
یاریگا –
وێستهام یونایتدی ئینگلیزی نرخی ئەستێرەی تیپەکەی دێکلان رایسی دیاریکرد.
گرێبەستی دێکلان رایس لە هاوینی 2024 لەگەڵ وێستهام کۆتایی دێت، یانەکەش دەیەوێت لەم هاوینە بیفرۆشێت بۆ ئەوەی ناچار نەبێت لە 2024 بەبێ بەرامبەر دەستبەرداری بێت.
پێگەی ESPN بڵاویکردووەتەوە، وێستهام بۆ دەستبەرداربوون لە ناوەڕاستکارە لاوەکەی داوای 100 ملیۆن پاوەند لە کڕیارەکانی دەکات.
بەپێی هەمان سەرچاوە هەریەکە لە یانەکانی مانچێستەر یونایتد، مانچێستەر سیتی، نیوکاسڵ و لیڤەرپوول دەیانەوێت لەم هاوینە گرێبەستی لەهەڵ واژۆ بکەن.
دێکلان لە کاتی بەڕێوەچوونی مۆندیالی قەتەر رایگەیاند، کە حەزدەکات لە چامپیۆنزلیگ یاری بکات، ئەمەش ئاماژەیەک بوو بۆ ئەوەی لە کۆتایی وەرزەکە یانەکەی ئێستای جێدەهێڵیت.
ناوەڕاستکارە تەمەن 24 ساڵانییەکە ماوەی 6 وەرزە یاری بۆ وێستهام دەکات، لە کۆی ئەنجامدانی 238 یاری خاوەنی 14 گۆڵ و 13 ئەسیستە بە درێسی وێستهام.
