ئه‌وروپائیسپانیا

ڤاڵدیراما: خامێس دەبێت بڕوات بە بۆنەی زێدانەوە

کارلۆس ڤاڵدیرام، ئەستێرەی هەڵبژاردەی کۆڵۆمبیا لە دیدارێکی ڕۆژنامەوانیدا ڕایگەیاند، خامێس ڕۆدریگێزی هاونیشتیمان دەبێت دەست بەرداری یانەی ڕیاڵ بێت و ڕوو بکاتە یانەیەکی دی.
هەروەها لە قسەکانیشدا ووتی،” ڕاهێنەرەکەی ئەوی ناوێت و بشمێنێتەوە یاری پێ ناکات بۆیە دەبێت ڕووبکاتە یانەیەکی کەوە.”
باسی لەوەش کرد،” کاتێک خامێس ڕووی کردە یانەی ڕیاڵ هەموو یانەو جەماوەر و بەڕێوبەرایەتی یانەکە دڵخوش بوون بەڵام لە ئێستادا زێدان ئەوی ناوێت.”
جێگەی باسە کە ماوەی دوو ساڵی پێشوو خامێس بە شێوەی خۆاستن یاری دەکات بۆ یانەی بایرن میونیخی ئەڵمانی.
ئەم یاریزانە ساڵی ٢٠١٤ چووە ڕیزەکانی یانەی ڕیاڵ لە دوای بەدەست هێنانی نازناوی گۆڵکاری جامی جیهانی لە بەڕازیل.

بابەتی پەیوەندیدار

Back to top button