ڤان دایك: میسی باشترینی جیهانە
یاریگا- ئەستێرەی هۆڵەندی و یانەی لیڤەرپول ڤێرجیل ڤان دایك باس لە هەردوو یاریزانی بارسێلۆنا لیۆنێل میسی و فرانكی دی یۆنگ دەكات و بە باشترینەكان ناویان دەهێنێت.
لە لێدوانێكی ڕۆژنامەوانیدا یاریزانەكە باشترین پێكهاتەی پێنج یاریزانی خۆی دەستنیشانكرد.
ڤان دایك ووتی: لە گۆڵپارێز ئەلیسۆن هەڵدەبژێرم، هەروەها لە بەرگریش خۆم هەڵدەبژێرم ، هەروەها لە هێڵی ناوەند پێوویستە یاریزانێكی نایاب دیاریبكەم.
بەردەوام بوو ووتی: یاریزانەكەی ناوەڕاست فرانكی دی یۆنگ هەڵدەبژێرم ، ئەو یاریزانێكی بەتوانایە و بەهرەیەكی زۆری هەیە بە پەیوەندیكردنی بە بارسێلۆناوە یارمەتیدەرێكی گەورە دەبێت بۆ ئەو یانەیە.
بەرگریكارە هۆڵەندیەكە بەردەوام بوو ووتی: هێرشبەری پێكهاتە تایبەتەكەم لیۆنێل میسی دەبێت، ئەو یەكێكە لە باشترینەكانی جیهان ، ئەگەر باشترین نەبێت.
ڤان دایك لەلایەن كۆمپانیای ” EA ” دەستنیشانكراوە تا وێنەكەی لەسەر كەڤەری یاری فیفای 2020 بێت.
