ئه‌ڵمانیا

گۆتزە ڕێگە دەکاتەوە بەرامبەر یانەی ئەرسناڵ

ماریۆ گۆتزە، یاریزانی بەتوانای ئەڵمانیا و یانەی برۆسیا دۆرتمۆند،ڕێگەی کردەوە بەرامبەر بیرۆکەی واز هێنانی لە خولی ئەڵمانی و دەست بەردار بوونی لە یانەی دۆرتمۆند لە وەرزی داهاتوودا.
گۆتزە لە لێدوانێکی رۆژنامەوانیدا ئەم قسانەی کرد و باسی لەوەش کرد، خۆشحاڵ دەبێت بە ئەزمونێک گەر هاتوو لەدەرەوی خولی ئەڵمانیدا بێت و ئارەزووی تاقی کردنەوەی خولە جیاوازەکانی هەیە.
وتیشی،” ئێستا من ١٠ خول زیاترە لە خولی ئەڵمانی یاری دەکەم لەگەڵ یانەکەم و زۆر ئاساییش دەبێت گەر هاتوو بچمە یانەیەکی خولێکی جیاواز”.
سەبارەت بە گەڕانەوەی هۆملێس ووتی،” زۆر بە یەکەوە یاریمان کردووە چەندین ئەزموونمان بە یەکەوە هەبووە و توانیمان جامی جیهانی بەرز بکەینەوەو ئەو وەک یاریزان و کەسایەتیەکیش زۆر باشە.”
جێگەی باسە چەند ڕاپۆرتێکی پێشوو باسیان لە ڕۆشتنی گۆتزە دەکرد لە بڕۆسیا دۆرتمۆند بەرەو یانەی ئەرسناڵی ئینگلیزی لەم ماوەیەی ڕابردوودا بەڵام تا ئێستا نازانرێت داهاتووی چۆن دەبێت.

بابەتی پەیوەندیدار

Back to top button