مانچێستەر یونایتد 15 یاریزانى بەرێ دەکات

یاریگا–
یانەی مانچێستەر یونایتدی ئینگڵاند لە ئێستاوە رێکخستنەوەی تیپەکەی بۆ وەرزی داهاتوو دەست پێکردووە و چاوەڕێ دەکرێت بازارێکی قەلەبالغیان هەبێت.

تۆری هەواڵی سکای سپۆرتی بریتانی بڵاویکردۆتەوە شەیتانە سوورەکان دەیانەوێت بۆ وەرزی داهاتوو چەند یاریزانێک بگوازنەوە ریزەکانیان و لە بەرامبەردا دەستبەرداری 15 یاریزان دەبن لە پێناو رێگە خۆش کردن بۆ یاریزانە نوێیەکان.

سەرچاوەکە ئەوەشی بڵاوکردۆتەوە دیارترین ئەو یاریزانانەی پێویستە مان یو جێبێڵن، ئانتۆنیۆ ڤالێنسیا و ئاندەر هێرێران، هەروەها هەوڵ بۆ نوێکردنەوەی گرێبەستی ماتا دەدرێت.