ئیتاڵیا
پیرلۆ: کۆنتی لە مۆرینهۆ باشترە
یاریگا-ئەندریە پیرلۆ ئەستێرەی مێژوویی خولی ئیتاڵی دەڵێت ئەنتۆنیۆ کۆنتی راهێنەرێکی باشترە.
ئەگەری ئەوە زۆرە لوچیانۆ سپالێتی راهێنەری ئینتەر دووربخرێتەوە و لەلایەن کۆنتییەوە جێگەکەی پڕبکرێتەوە، بەشێکیش لە هاندەران داوای خۆزێ مۆرینهۆ دەکەن بۆ ئەو پۆستە.
پیرلۆ بۆ سکای سپۆرت وتی “بە بڕوای من کۆنتی لە مۆرینهۆ باشترە بە تایبەت لەڕووی رێکخراوی و بەرەو پێشچوونی ئەرێنییەوە، ئەگەر ئەو ببێتە راهێنەر هاندەران بە دڵنیاییەوە پشتگیری دەکەن و پەیوەندی نێوان یاریزانان و هاندەرانیش باشتردەبێت”.
جگە لە گۆڕینی راهێنەر، ئینتەر هەوڵی گۆڕانکاری دیکە دەدات و لەوانەش هێنانی رۆمیلو لوکاکوی هێرشبەری مانچێستەر یونایتدە.
