یاریزانێكی مانچستەر یۆنایتد تووشی ڤایرۆسی كۆرۆنا بوو

یاریگا- یاریزانی یانەی مانچستەر یوونایتدی ئینگلیزی ئەلێكس تیلیس دووبارە تووشی ڤایرۆسی كۆرۆنا بوویەوە.

فیدراسیۆنی تۆپی پێی بەڕازیل لە چەند كاتژمێری ڕابردوودا ڕایگەیاند تیلیس دووبارە تووشی ڤایرۆسی كۆرۆنا بووەتەوە، دوای ئەوەی پشكنینەكانی ئەرێنی بووە.

یاریزانەكە لە بەڕازیل دەمێنێتەوە و تا پشكنینەكانی نەرێنی دەبێت دواتر پەیوەندی بە مانچستەرەوە دەكات.

جولیهریمی ئارانا یاریزانی ئەتلەتیكۆ مینیرۆ جێگای تیلیس دەگرێتەوە لە لیستی یاریزانەكانی هەڵبژاردەی بەڕازیل.