نینی ڕیكۆردێكی نوێ لەگەڵ ئەرسیناڵ تۆماردەكات
یاریگا: محەمەد نینی ئەستێرەی یانەی ئەرسیناڵی ئینگلیزی ، بەردەوامە لە نووسینەوەی مێژوویەكی نوێ بە درێسی ئەرسیناڵەوە.
نینی، سەركەوتوو بووە لە بەدەستهێنانی پێكهاتەی سەرەكی لای مایكل ئارتێتا،دوای ئەو ئاستە دیار و بەرچاوەی لە سەرەتایی وەرزەوە نیشانی داوە ، دوای ئەوەی ماوەی خواستنەكەی لەگەل یانەی بێشكتاشی توركی كۆتاییهات و گەڕایەوە یانەكەی.
بە بەشداریكردن لە یاریەكەی ئەستۆن ڤێلا ، نینی یاری ژمارە 100ی بە درێسی ئەرسیناڵەوە ئەنجامدا و ناوی خۆی لە مێژووی تۆپهاوێژەكان نووسیەوە.
Congratulations, @ElNennY!#ARSAVL | #Elnenergy 🔋 pic.twitter.com/nNLwABDw2b
— Arsenal (@Arsenal) November 8, 2020
لە 99 یاریی ڕابردوودا لەگەڵ یانەی ئەرسناڵ لەخولە جیاجیاکاندا دوو گۆڵی تۆمارکردووە و هەشت گۆڵی تری درووست كردووە.
شایەنی باسە نینی لە ساڵی 2016 لە یانەی بازلی سویسریەوە پەیوەندی بە گەنەرزەوە كرد،ئەو كاتەی ئارسین ڤینگەر ڕاهێنەری یانەكە بوو.
