ئیسپانیا

كیكی سیتین: كۆنترۆڵكردنی میسی سەختە

یاریگا: كیكی سیتین ، ڕاهێنەری پێشووی یانەی بارسێلۆنای ئیسپانی باس لەو كاتانە كە ڕاهێنەری یانەكە بووە و هەروەها پەیوەندی لەگەل میسی دەكات.

ئیدارەی بارسا دوای شكستەكەیان بەرامبەر بایرن بڕیاریانداكیكی سیتین لە ڕاهێنەرایەتیكردنی یانەكە دووربخەنەوە.

لە چاوپێكەوتنیدا كە ڕۆژنامەی ماركا بڵاویكردووەتەوە سیتین ووتی: من خۆم نەبووم لەكاتی ڕاهێنەرایەتیكردنی بارسا، لە ڕاستیدا زۆر شتم نەدەزانی.

هەروەها سەبارەت بە شكستەكەی بایرن ووتی: لەم یاریەدا زیانێكی زۆرمان بەركەووت و چوومە ناو مێژووی بارسا، بەڵام دوای یاریەكەبۆم دەركەوت كە پێشتر بڕیاری لابردنی من دراوە.

سەبارەت بە میسی ووتی: بێگومان ئەو باشترین یاریزانی مێژووی تۆپی پێیە ،بەلام ئاسان نیە بەڕێوەبردنی،ئەو چەندین سالە لەوێیە و وەك خۆی قبوڵیان كردووە و كەس نەیتوانیوە بیگۆڕێت، ئێستا من كێم كە بیگۆڕم.

كیكی سیتین. دووپاتیكردەوە كە لە ئێستادا نایەوێت بگەڕێتەوە بۆ ڕاهێنەرایەتیكردن ولە مالەوە هەست بە ئاسودەیی دەكات.

بابەتی پەیوەندیدار

Back to top button