ئیبراهیمۆڤیچ: کۆرۆنا ئاڵنگاری منی کرد و لێم بردەوە، بەڵام تۆ زڵاتان نیت
یاریگا- زڵاتان ئیبراهیمۆڤیچی ئەستێرەی سویدی یانەی ئەی سی میلان ڤیدیۆیەکی هۆشیارکردنەوەی بڵاو کردۆتەوە بۆ مەبەستی خۆپارێزی و ڕەچاوکردنی ڕێکارەکانی تەندروستی، ڤیدۆکەشی وەک پەیامێک بۆ کریستیانۆ ڕۆناڵدۆ لێک دراوەتەوە کە لە ئێستادا ڕۆژەکانی تێپەڕاندنی ڤایرۆسەکە بە ڕێ دەکات.
لەو ڤیدیۆیەدا لە ئینستاگرامی خۆی بڵاوی کردۆتەوە و زۆرێک لە میدیاکان، لە نێویاندا پێگەی گۆڵ و فوتباڵ ئیتاڵیا وەک پەیامێکی گشتی و بەتایبەت بۆ ڕۆناڵدۆش لێکیان داوەتەوە، دەڵێت: “ڤایرۆسەکە ئاڵنگاری منی کرد و لێم بردەوە. بەڵام تۆ زڵاتان نییت، ئاڵنگاریی کۆرۆنا مەکە. مێشکت بەکار بهێنە. ڕێز له یاساکان بگرە. خۆت بە دوور بگرە لە تێکەڵاویی و ماسک بپۆشە هەمیشە.”
– ڤیدیۆکەی زڵاتان:
Bravo a trasformare un’uscita infelice in uno spot per la lotta contro il #COVID19.
Si è grandi anche così. A differenza di altri.#Ibrahimovic #WearAMask #Ronaldo
pic.twitter.com/2R9fbgkAh5— Giovanni Squame (@giosquame) October 29, 2020
قسەکانی ئیبراهیمۆڤیچ دوای ئەوە دێت کە لە چەند ڕۆژی ڕابردوو وەزیری وەرزشی ئیتاڵیا ڕۆناڵدۆی بەوە تاوانبار کرد کە پرۆتۆکۆڵی تەندروستی پێشێل کردووە کاتێک هەڵگری ڤایرۆسەکە بووە و بەڵام پورتوگالی زێدی خۆی بەرەو ئیتاڵیا بە جێ هێتشتووە.
