ئه‌وروپائیسپانیا

سوارێز وەڵامی میسی دەداتەوە

یاریگا
دوای ئەوەی کارگێری یانەی بارسێلۆنای ئیسپانیا بریاریدا دەستبەرداری لویس سوارێز، گۆڵکاری ئۆروگوایی یانەکەیان بن، کاردانەوەی زۆری بە دوای خۆیدا هێنا و یەکەم کەسیش کە کاردانەوەی بەرامبەر یانەکەی هەبوو لیۆنێل میسی یاریزانی ئارجێنتینایی ئەو یانەیە بوو.

لیۆ ئەمڕۆ لە تۆڕی کۆمەڵایەتی ئینستاگرام پۆستێکی بڵاوکردەوە و دڵگرانی خۆی بەرامبەر شێوازی بەرێکردنی یاریزانە ئۆروگواییەکە بە ئاشکرایی دەربڕی و دواتر ئەو یاریزانە وەڵامی پۆستەکەی میسی دایەوە و ئەویش لە تۆڕی کۆمەڵایەتی ئینستاگرام نوسیویەتی ” سوپاس بۆ تۆ هاوڕێ خۆشەویستەکەم، بۆ ئەو کاردانەوەی بەرامبەر من، هەروەها سوپاسی ئەو هەڵوێستەت بەرامبەر خۆم و خانەوادەکەم دەکەم کە رۆژی یەکەمەوە هەتبوو، هەوڵ بدە هەمیشە چێژ لە ژیان وەربگری و پیشان بدە کە چۆن یاریزانێکی نمونەییت و ئێستاش هەموو کەسێک دەزانێت تۆ یاریزانێکی چۆنیت و من هەمیشە خۆشم ئەوێیت”.

تەنها میسی کاردانەوەی بەرامبەر رەفتاری بەرپرسانی یانەکەی لەسەر کەیسی دەستبەرداربوون لە لویس سوارێز نەبوو، بەڵکو نێیمار داسیلڤاش هێرشی کردە سەر کارگێری یانەکەی پێشووی.

بابەتی پەیوەندیدار

Back to top button