لینگلێت: بردنەوەی لیگا شتێكی سەخت بوو
یاریگا- كلیمین لینگلێت بەرگریكاری بارسێلۆنا باس لە بردنەوەی لیگا دەكات و بە كارێكی سەخت ناوی دەبات.
بە بردنەوەیان لە لیڤانتی بە گۆڵێكی لیۆنێل میسی بە. فەڕمی بارسێلۆنا نازناوی ئەم وەرزەی خولی ئیسپانی وەرگرت ، و نازناوی ژمارە 26 لە مێژووی یانەكەدا.
لینگلێت لە لێدوانەكانی بۆ موڤیستار ووتی: بردنەوەیەكی ئاسان نەبوو، بەڵام هەر لە یەكەم ڕۆژەوە كارمان بۆ كرد تا بگەین بەم سەركەووتنە، دڵخۆشم بە بردنەوە و ئاهەنگگێڕان لەگەڵ هاندەرەكانمان.
هەروەها ووتیشی: بە. باروودۆخی سەختدا تێپەڕین، بەڵام ئەوە نازناوەكە جوانتر دەكات، پێوویستە ئاهەنگێكی خێرا بگێڕین پێش دەستپێكردنی كارە گرنگەكەمان، پێوویستە خۆمان ئامادە بكەین بۆ یاریەكانی داهاتوو.
بەرگریكارە فەڕەنسیەكە بەردەوام بوو ووتی: ئەوە یەكەم نازناوی من بوو لەگەڵ یانەكەم هیوادارم زیاتر بێت، ئەوە بە هاوكاری سەرجەم هاوڕێكانم بوو.
