ئیتاڵیا

ئیمۆبیڵی گرێبەستەکەی لەگەڵ لازیۆ بۆ ماوەیەکی درێژ نوێ کردەوە

یاریگا- چیرۆ ئیمۆبیڵی گۆڵکاری ئیتاڵی لازیۆ، گرێبەستی لەگەڵ یانەکەی بۆ پێنج وەرزیتر نوێ کردەوە.

هێرشبەرە تەمەن 30 ساڵانەکە لە وەرزی بووری توانی 36 گۆڵ لە خولی ئیتاڵی تۆمار بکات و خەڵاتی پێڵاوی ئاڵەوونی بۆ خۆی مسۆگەر کرد و هاوکات هاوکارێکی زۆر باشی لازیۆ بێت بۆ سەرکەوتن بۆ چامپیۆنزلیگی وەرزی دادێ.

لە چەند ڕۆژی ڕابردوودا دەنگۆ لە میدیا یتاڵی و ئیسپانییەکان بڵاو بوویەوە کە ئیمۆبیڵی نایەوێت گرێبەسەکەی لەگەڵ یانەکەی پایتەخت نوێ بکاتەوە و لە بەرامبەردا داوای بەرزکردنەوەی مووچەکەی دەکات لە سێ ملیۆن یۆرۆی ساڵانەوە بۆ شەش ملیۆن. هەر بۆیە یانە گەورەکانی وەک لیڤەرپووڵ و بارسێلۆنا هاتنە سەرهێڵ بۆ قۆستنەوەی دۆخەکە.

لەوەتەی ساڵی 2016 پێوەندی بە لازیۆوە کردووە، ناوبراو  لە 142 یاریدا توانیویەتی 103 گۆڵ بە درێسی ئەو یانەیەوە تۆمار بکات.

بابەتی پەیوەندیدار

ئەم بابەتەش بخوێنەوە
Close
Back to top button