یاریگا-فابیۆ پاراتیچی بەڕێوبەری یانەی یوڤێنتۆسی ئیتاڵی دەنگۆیەکی پڕوپاگندەکانی بازاڕی گواستنەوەی پشتراستکردەوە سەبارەت بە ئاڵوگۆڕی میرالیم پیانیچ و ئارسەر.
لە پرسیارێکی سکای سپۆرت سەبارەت بە هەواڵەکە، پاراتیچی وتی “لەگەڵ بارسا و زۆر یانەی دیکەی گەورەی ئەورووپا لە گفتوگۆداین، پێم وایە هاوینێکی سەرقاڵ بەڕێوەیە لە گواستنەوەدا، پێویستمان بە بیرۆکەی نوێیە لە پێکهاتەکەدا و لە هاوڵی گواستنەوەی شێوازی ئاڵوگۆڕداین
ناوبراو ئەوەشی ئاشکراکرد سەرەڕای هەڵکشانی تەمەنیان هەریەک لە گۆنزالۆ هیگواین، جیۆرجیۆ کلینی و جیانلویجی بوفۆن بۆ وەرزی داهاتوو لە یانەکە دەمێننەوە. وە جارێکیتر مانەوەی پاولۆ دیبالای لە تورین دووپاتکردەوە.
یانەکانی ئیتاڵیا لەمڕۆوە گڵۆپی سەوزیان بۆ هەڵکراوە تاوەکو بگەڕێنەوە مەشقەکان بەگوێرەی رێنماییە تەندروستییەکان.
