ئیسپانیاگرنگترین

شەش بەڕێوبەری گەورەی بارسێلۆنا دەستیان لەکار کێشایەوە

یاریگا-کۆرۆنا و پشووی یانەکان نەبووەتە هۆی هێوربوونەوەی دۆخی کارگێڕی بارسێلۆنا و شەش بەڕێوبەری ئەو یانەیە دەستیان لەکار کێشایەوە.

بەرپرسەکان وازهێنانیان گەڕاندووەتەوە بۆ ئاستی خراپی یانەکە لەرووی کارگێڕی و چارەسەرنەکردنی کێشە ناوخۆییەکان کە گەیشتە ئەوەی بە ئاشکرا لە تۆڕە کۆمەڵایەتییەکان رەنگ بداتەوە. ئەمە لە پاڵ بڕینی ٧٠٪ی مووچەی یاریزانان و ستاف لە کاتێکدا بارسێلۆنا یەکێکە لە سێ دەوڵەمەندترین یانەکانی جیهان.

دوو لە بەرپرسەکان هەردوو جێگری سەرۆکی یانەکە ئیمیلی رۆوزاند و ئێنریک تۆمباسن، لە پاڵ هەریەک لە سیلڤیۆ ئیلیاس، جۆزیب پۆنت، خۆردی کالسامیلیا و ماریا تێکیسۆدرن.  لەو بەیاننامەیەش کە بڵاویان کردووەتەوە داوایان لە بارتۆمیۆی سەرۆکی یانەکە کردووە هەڵبژاردنی پێشوەختە رابگەیەنێت و نیگەرانی خۆشیان دەربڕیووە بەوەی یانەکە کۆمپانیایەکی تایبەتی بە کرێ گرتووە بۆ دژایەتیکردنی بەشێک لە یاریزانان و کارگێڕی یانەکە لە تۆڕە کۆمەڵایەتییەکان.

داهاتی ساڵی رابردووی بارسا گەیشتە ٩١٤ ملیۆن دۆلار بەگوێرەی دیلۆیت پاش بردنەوەی هەشت ناسناوی لالیگا لە کۆتا ١١ ساڵدا..

بابەتی پەیوەندیدار

Back to top button
Close