ویلیان مەرجی هەیە بۆ مانەوە لە چێڵسی

یاریگا–
ویلیان یاریزانی بەڕازیلی یانەی چێڵسی ئینگڵتەڕا ئامادەنیە بۆ دوو وەرز گریبەستی لەگەڵ یانە لەندەنیەکە نوێ بکاتەوە.

ناوەڕاستکارەکەی بلوز بە رۆژنامەی میرەری بریتانی گووتووە ” کارگێری یانەکەی داوایان لێکردووە بۆ دوو وەرزی دیکە گرێبەستەکەی نوێ بکەنەوە و ئەویش داوای کردووە کە بۆ ماوەی سی وەرز گرێبەستەکەی نوێ بکرێتەوە، بە پێچەوانەوە ئامادەنیە لە یانەکەیان بمێنێت و ئەو یانەیە لە هاوینی داهاتوو کە گرێبەستەکەی کۆتایی دێت جێدێڵێت ”.

ویلیان حەوت وەرزە یاریی بۆ یانەی چێڵسی دەکات و لەگەڵ ئەو یانەیە دوو ناسناوی پرێمەرلیگ و ناسناوێکی چامپیۆنزلیگی بەدەست هێناوە و بارسێلۆنا و یۆڤێنتۆس ئامادەن بۆ گواستنەوەی.