یاریگا–
فلۆرێنتینۆ پێرێز، سەرۆکی یانەی ریال مەدریدی ئیسپانیا پێش یاری کلاسیکۆ بەرامبەر بارسێلۆنا پشتگیری تەواوی یانەکەی بۆ زیدانی راهێنەر راگەیاند.
رۆژنامەی وەرزشی مارکای ئیسپانیا بڵاویکردەوە سەرۆکی شاهانەکان پێنج شەممەی رابردوو دانیشتنێکی تایبەتی لەگەڵ راهێنەری فەڕەنسی یانەکەی هەبووە و لەم دانیشتنەدا پشتگیری تەواوی خۆی و کارگێری یانەکەی بۆ مانەوەی لە پۆستەکەی راگەیاندووە و پێگوتووە لە ئەگەری دۆڕان لە کلاسیکۆ، ئەوا بە هیچ شێوەیەک لە پۆستەکەی دوور ناخرێتەوە.
سەرچاوەکە ئەوەشی ئاشکرا کردووە لەو دانیشتنەدا زیدانی راهێنەریش دانی بەوە ناوە لە رابردوو هەندێک هەلەی کردووە و هەوڵ دەدات راستیان بکاتەوە.
