کاپتن کۆرەک
ئیسپانیا

دی یۆنگ: بەمزوانە باشترین ئاستم دەبینن

یاریگا: فرانكی دی یۆنگ ئەستێرەی هەڵبژاردەی هۆڵەندا و یانەی بارسێلۆنا پێی وایە كە بەمزوانە باشترین ئاستی دەبینن.

لە لێدوانەكانی بۆ ڕۆژنامەی مۆندۆ دیپۆرتیڤۆ دی یۆنگ ووتی: پێویستە لەسەرمان كار بۆ باشتر بوون بكەین وزیاتر هەوڵ بدەین ، من دڵنیام دەگەڕێینەوە سەر بردنەوەكان.

بەردەوام بوو ووتیشی: هەستمان بە بێتاقەتی كرد دوای شكستەكەی مێستایا، بەڵام پێویستە بەرەو پێشەوە بچین، ڕاهێنەری نوێمان هەیە ڕاهێنانی باشمان هەیە ، بۆیە لەو باوەڕەدام بەمزوانە لەو كێشانە ڕزگارمان دەبێت.

هەروەها ناوەڕاستكارەكەی بلاوگرانا ووتیشی: هەموو ڕاهێنەرێك شێوازێكی تایبەتی هەیە، شتەكان دەگۆڕێن، بەلام لە یانەی بارسێلۆنا هەمان فەلسەفەیە ئەویش ئەوەیە تۆپت زۆر لا بێت و دەست بەسەر یاریگادا بگریت.

لە كۆتایشدا ووتی: پێكهاتەیەكی نایابمان هەیە، یەكێكین لە باشترین یانەكانی جیهان، ڕاستە ئێستا لە باشترین ئاستماندا نین ، نازانم كەی بەڵام بەمزوانە باشترین ئاستی دی یۆنگ دەبینن.

فرانكی دی یۆنگ خەڵاتی باشترین یاریزانی خولی یانە پاڵەوانەكانی ئەوروپای وەرگرت لە لایەن ڕۆژنامەی مۆندۆ دیپۆرتیڤۆوە.

تاگ

بابەتی پەیوەندیدار

Back to top button
Close