راهێنەری نوێی ئارسناڵ یەکلابووەتەوە
یاریگا-تەواوی رۆژنامەکان و سەرچاوە وەرزشییەکانی بەریتانیا کۆکن لەسەر ئەوەی میكێل ئارتێتا راهێنەری نوێی ئارسناڵە.
ئارتێتا ئێستا یاریدەدەری پیپ گواردیۆلایە لە مانچێستەر سیتی و پێشتر لە ئارسناڵ وەک یاریزان بۆ ساڵانێکی زۆر یاری کردووە. سکای سپۆرت و بی بی سی و میدیا ناوخۆییەکانی ئەو وڵاتە دەڵێن تەنها راگەیاندنی فەرمی ماوە بۆ دەستبەکاربوونی ئەو راهێنەرە.
هوس فەهمی بەڕێوبەری مامەڵەکانی ئارسناڵ و ڤینای ڤینکاتیشم بەڕێوبەری گشتی ئارسناڵ دوای شکستەکەیان بەرامبەر مان سیتی ، راستەوخۆ بەرەو مانچێستەر گەشتییان کردووە. لەوێ بۆ دوو کاتژمێر لەگەڵ ئارتێتا لە ماڵەکەی خۆیدا گفتوگۆیان کردووە و هەموو شتێکیان یەکلاکردووەتەوە.
پێشتریش بەر لە ١٨ مانگ ئارسناڵ دوای دوورخستنەوەی ڤینگەر نزیکبوون لە دەستنیشانکردنی میکێل ئارتێتا بەڵام دواتر ئیڤان گازیدیزی بەڕێوبەری پێشووی ئەوسا بڕیاریدا یونای ئێمری هەڵبژێرێت.