یانەی مانچێستەر یونایتد گەیشت بە ٤٠٠هەمین یاری مێژووی یانەکەی کە بەلایەنیکەم یاریزانێکی ئەکادیمیای شەیتانە سوورەکان تییدا بەشداربێت.
مان یونایتد بەدرێژایی مێژووی خۆی بەوە ناسراوە کە زۆر پشت بە یاریزانی لاو و دەرچووی ئەکادیمیاکەی دەبەستێت. یارییەکەی ئێوارەی ئەمڕۆش ٤٠٠٠ هەمین یاری بوو لەدوای یەک هەمیشە یاریزانی دەرچووی خۆی هەبێت.
پشت بەستنی ئەو یانەیە بە تێپەڕبوونی کات کەمی نەکردووە و بە پێچەوانەوە، لە یارییەکەی ئەمڕۆدا ٧ یاریزانی شەیتانە سوورەکان لە خۆیان بوون، ئەمەشیان خۆی لە خۆیدا ریکۆردێکە و لە ٨٢ ساڵی رابردوودا یەکەمجارە ٧ یاریزانی پێکهاتەی سەرەکی یاریزانی ئەکادیمیا بن. بەگوێرەی سکای سپۆرت ، کۆتا جار لە ١٩٣٠/١٠/٣٠ دا بووە بەرامبەر فولهام و لەو یارییەدا ٠-١ توشی شکست هاتوون.
یارییەکەی ئەمڕۆش بەرامبەر ئێڤەرتۆن بە بەرامبەربوون کۆتایی هات بە ئەنجامی ١-١. یانەی بەرامبەریش هەمان ڕێچکەی یونایتدی گرتووەتە بەر و ئەو نزیکەی ١٠٠٠ یاری دوای یەکە یاریزانێکی ئەکادیمیاکەی لە پێکهاتەی سەرەکیدایە.
