یاریگا–
گاریس بەیل، یاریزانی وێلزی یانەی ریال مەدرید پاش ئەوەی لە یاری هەڵبژاردەکەی بەرامبەر هەنگاریا لەسەر ئاڵای وڵاتەکەی نوسی وێلز، گۆڵف پاشان، مەدرید چاوەڕێ دەکرا کاردانەوەی توندی لێ بکەوێتەوە.
سەرچاوەیەکی نزیک لە یانەی ریال مەدرید بڵاویکردووەتەوە ئەو یانەیە کاردانەوەیان ئەوە بووە ” بەیل یاریزانێکی گرنگە بۆ ئێمە و دڵنیاین هەروەک چۆن لە رابردوو توانی ئاستێکی باشمان لەگەڵ پێشکەش بکات، لە داهاتووش دەتوانێت ئەو رۆژانە دووبارە بکاتەوە و بە هیچ شێوەیەکیش ئامادەنین لەدەستی بدەین “.
ئەمە لە کاتێکدایە کە چاوەڕێ دەکرا ئەو هەڵس و کەوتەی گاریس بەیل کاردانەوەی توندی یانەکەی بە دوواوە بێت.
