بێرناردۆ سیلڤا لەسەر تویتەکەی مێندی سزا دەدرێت

یاریگا-بێرناردۆ سیلڤا لەلایەن یەکێتی تۆپی پێی ئینگلیزییەوە بە  تۆمەتی بەدرەوەشتی سزادەدرێت پاش تویتێکی ئەو یاریزانە بۆ بێنجامین مێندی هاوڕێی.

سیلڤا لە تویتەر وێنەی کارتۆنێکی رەشپێستی دانابوو لە پاڵ وێنەیەکی منداڵی مێندی دا (وێنەکەی خوارەوە)

بەڵام ئەمە بووە هۆی ئەوەی بخرێتە خانەی رەگەزپەرستی و سەرەڕای هەوڵەکانی ئەو یاریزانە کە وەکو گاڵتەیەک لەگەڵ هاوڕێکەی کردبووی سەیربکرێت سەرەنجام بە مادەی بەدڕەوشتی ئینگلتەرا سزادەدرێت چونکە بە گوتەی بەیاننامەکە ئەو پۆستەی یاریزانەکە سوکایەتییە و دروست نیە.

ماوەیەک دەدرێت بە یاریزانەکە بۆ تانەدان لە بڕیاری یەکێتییەکە بەر لەوەی سزاکەی رابگەیەندرێت.